LAOAG CITY – Linawlawagan ni Father Joey Ranjo, pannakangiwat ti Diocese of Laoag ti Simbaan Romano Katolika ti pannakalagip dagiti minatay iti Nov 1 ken Nov. 2 iti kada tawen.
Segun ken ni Ranjo, ti Nov. 1 ket aldaw dagiti Sasanto idinto a ti Nov. 2 ket aldaw dagiti minminatay.
Kunana a maysa ti anag na ti pannakalagip dagiti nasao nga aldaw a no sadinno a ti panagkarkarag tapno ikarkararag datay met a sibibiag.
Nupay kasta, kuna ni Ranjo nga ado pay laeng dagiti saan a makasurot a no sadinno nga iti Nov. 1 ket kadagiti simbaan koma ti pagturungan tayo ket iti Nov. 2 ket kadagiti sementeryo.
Iti laksid iti daytoy, siaawat ti simbaan iti aniaman nga aldaw a suruten dagiti maseknan ket ti nasken ket ti panangikarkararag.
Kabayatan na, inbatad ni Ranjo a ti panangidiaya ti kandela, sabsabong, atang ken dadduma pay ket natulad manipud kadagiti nadumaduma a pagilian a tinulad dagiti Pilipino.
Iti sabali a bangir, ikarkarigatan ti simbaan a balbaliwan ti kultura ken kapanunutan panggep ti piyesta ti minatay kas iti mapaspasamak nga Halloween Party nga ibilang da a saan a maiyannatop.
Kabayatan na, awan problema iti simbaan kadagiti agilaklako kadagiti lote da nga adda iti asideg kadagiti sementeryo ken pagbalinen da a sementeryo, la ketdi suruten da dagiti umiso a proseso.
Reaksiyon daytoy ni Father Joey Ranjo, pannakangiwat ti Diocese of Laoag ti Simbaan Romano Katolika iti kaadda dagiti agilaklako kadagiti lote da iti nangina pay a presyo.
Segun ken ni Ranjo, kas kadakuada iti simbaan nga idi nangestablisar da iti bukod da a sementeryo ket nangala da iti permit manipud iti Dept. of Health, iti gobyerno ti ciudad ken dadduma pay a permits.
Kuna na a no saanda a suruten ti proseso, sigurado nga agkapbroklema dagiti gumatang.
