LAOAG CITY – Natiliw ti pito a mannugal kalpasan ti operasyon dagiti kameng ti PNP iti Brgy 18 Abkir iti ili a Vintar.
Nabigbig dagiti mannugal da Opar John Viernes, Juanito Agramon, Marlo Tempurado, Paulino Aceret, Sonny Inradi, Jonnel Tinaza kenni Richard Viernes.
Segun kenni P/Sr. Insp. Oliver Banigued, hepe ti PNP Vintar, nagturong dagiti kameng ti PNP a nakasibilyan iti lugar a pagsusugalan dagiti pito kalpasan a nakaawat da ti impormasyon manipud iti concern citizen.
Kuna na a positibo nga agsusugal dagiti pito babaen ti ay-ayam a tong-it ken pusoy dos.
Inbatad ni Banigued a possible a maysa kadagiti natiliw ti anak ti kapitan ti Bgry Abkir.
Naala dagiti otoridad ti dua a set a bahara kas ebidensya ti panagsusugal dagitoy.
Inpakaammo ni Banigued a maisagsaganan ti reklamo a maipila kontra kadagiti pito ti illegal a panagsugal babaen ti Republic Act 9287.
