LAOAG CITY – Inbutaktak ti aktres a ni Angelu De Leon ti panagpasar na ti depresyon gapu iti Bell’s Palsy.
Inbatad na nga immuna nga inatake ti Bell’s Palsy idi 2019, ken naulit idi 2016.
Basar iti Mayo Clinic, ti Bell’s Palsy ket kondisyon a mangitunda ti bigla lattan a panagkapuy dagiti muscles iti maysa a paset ti rupa.
Kuna ni Angelu, a saan nga alisto dagiti nagdalanan na gapu iti bell’s palsy aglalo ket kas maysa nga artista ket ti rupa ti puunan na isut gapuna a narigat nga awaten no bigla nga agbaliw daytoy.
Nupay kasta, ti ad-adda a napidot na nga adal iti panagpasar na ti depresyon gapu iti bell’s palsy ket ti saan a marukud ti pategna gapu ta mabalin a ti rupa na ti puunan na iti showbiz, ngem ti biag, kinatao ken pategna ti kangrunaan a kapatgan.
Innayon na a ti salun-at ti pudno a kinabaknang isut gapuna a saan a balewalaen daytoy, ken saan nga urayen nga adda ti saan a nasayaat a mapasamak sakbay a mapanunot a taripatwen ti bagi.
