LAOAG CITY – Inaprubaranen ti Sang. Bayan iti ili ti Vintar ti Annual Budget 2021 kalpasan ti pannakatratar daytoy.
Ti nasao a budget ket umabot iti 261 a milyon a pisos ken karaman ditoy small water impounding dam ken dadduma pay a proyekto.
Malaksid iti daytoy, karaman pay ditoy ti gift cash para kadagiti barangay officials, mangisursuro, tricycle drivers, senior citizens ken dagiti PWD
Maipalagip nga iti napalabas a bulan ket rimwar ti nagduduma a saludsod mainaig iti budget ti ili gapo ta adda dagiti sumagmamano a proyekto a saan pay a nalpas ngem adda manen ti pondo a makidkiddaw para iti daytoy.
