LAOAG CITY – Naaprubaranen ti Annual Budget 2024 iti ili ti Vintar babaen iti konseho nga idadaulwan ni Vice Mayor Maribel Albano kas presiding officer.
Daytoy ti naragsak nga inpakaammo ni Mayor Richard Degala iti nasao nga ili.
Ti Annual Budget para iti 2024 iti ili ti Vintar ket umabot iti nasurok a 293 a milyon a pisos.
Segun ken ni Mayor Degala, ti kadakkelan a nailatangan ti pondo ket iti benneg ti agrikultura ken dadduma pay a proyekto a pagsayaatan iti umili.
Inpakaammo ti mayor a sakbay pay a sinelebraran da ti Siwawer festival ket inpasan ti konseho ti annual budget da para iti 2024.
Nagyaman ti mayor iti alisto a pannakatratar ti pondo iti nasao nga ili para iti sumaruno a tawen.
Maipalagip a ti pondo iti nasao nga ili ita a tawen ket reenacted gapu ta naaprubaran laeng ti pondo da idi Marso ita a tawen.
