LAOAG CITY – Inaprubaranen ti konseho ti annual budget iti ili ti Vintar para ita a tawen.
Daytoy ti inpakaammo ni Vice Mayor Maribel Albano iti nasao nga ili.
Segun ken ni Albano, inaprubaran da ti annual budget da kabayatan ti panangiyuswat da ti special session.
Maipalagip a kabayatan ti flag raising ceremony iti lokal a gobierno iti ili ti Vintar ket nagbitla ni Mayor Richard Degala no sadinno nga inpeksa na ti pannakadismaya na iti saan pay a panangaprubar ti konseho iti annual budget iti nasao nga ili.
Nupay kasta, inpetteng ni Albano nga uray saan a nagsarita ti mayor ket naitudingen nga ipasa da iti maikatlo ken maudin a pannakabasa na ti annual budget iti ili ti Vintar.
Innayon na a ti laengen maaramid ket ti panangisumitir da ti kopya ti inaprubaran da nga annual budget iti opisina ni Mayor Degala.
