LAOAG CITY – Inlawlawag ni Mr. Christian Andrew Rillorta iti Social Security System Region 1 ti Annual Confirmation of Pensioners (ACOP) a programa ti ahensya.
Segun ken ni Rillorta, tawen 2004 idi narugyan ti programa.
Nu pay kasta, gapu iti pandemiya ket naisardeng ti panagipasa dagiti pensioners ti ACOP requirements idi Marso 2020 agingga idi Setiembre 2021 ngem naisubli daytoy idi Oktubre 1, 2021 ken agpatingga intuno Marso 31 ita a tawen.
Kuna ni Rillorta a masapol nga iproseso dagiti pensioners ti ACOP iti naikeddeng a petsa tapno maliklikan ti pannakaputol ti benepisyo nga ipaay ti ahensya.
Kabayatanna, inbatad ni Rillorta a nu saan a maiproseso ti ACOP dagiti pensioners iti naikeddeng a petsa ket mabalin latta a maipreseso iti sabali nga aldaw.
Nu pay kasta, kuna na a possible a mabayag ti pannakawat ti berikipikasyon sakbay a maituloy ti pannakaawat ti pension.
Immuna iti daytoy, inpakaammo na a nu saan a pisikal a makapagturong iti opisina ti SSS ket mabalin nga i-download ti ACOP form ken dagiti saan a makabaek ket mabalin a danunen dagiti empleado ti ahensya iti mismo a pagtaengan ti pensioner.
