LAOAG CITY -Impetteng ni Vice Mayor Vicentito Lazo ditoy ciudad ti Laoag a matratar iti konseho dagiti anomalya ti Laoag City Public Market and Commercial Complex.
Daytoy ket mainaig iti maipagarup a pannakaibulsa dagiti nasingir kadagiti negosyante a saan a nairemit ti lokal a gobyerno.
Nakumpirmaran ti nasao nga isyu kalpasan a nakasarita na dagiti stall owners a nagbalin a biktima ti nasao a pasamak.
Segun kenkuana, kasapulan nga agsungbat dagiti nairaman nga empleyado tapno saanen a maulit daytoy a pasamak.
Inbatad na a saan na pay a nakasarita ken awan ti plano na a mangkasarita ken ni Mrs. Shiela de Leon a dati a market superintendent gapu ta mamati nga awan ti maisungbat na gapu ta karaman ti kabsat na a ni Darlene Deus iti nasao nga isyu.
