LAOAG CITY – Nangaramid ni Anthony Edwards ti maysa nga step-back three-point shot iti maudi a 23 a segundo ti ay-ayam tapno mabayabayan ti Minnesota Timberwolves iti iskor a 113-112 kontra iti Rockets.
Nagleppas ni Edwards nga addaan ti 24 points para iti Minnesota (16-14) idinto nga addaan ti 27 markers ni Julius Randle.
Nakaaramid ni Alperen Sengun ti season-high 38 points malaksid iti 12 rebounds para iti Houston (21-10) a nagleppas ti four-game winning streak.
Nakaaramid met ti Rockets ti maysa a 12-point lead iti fourth period sakbay a nakagun-od ti Timberwolves ti maysa a 10-0 bomba tampok ti 3-point play ni Edwards para iti 110-108 a bentaheda iti maudi a 1:30 minuto.
