LAOAG CITY – Balligi a naiwayat ti anti-bullying campaign iti ili ti Piddig.
Daytoy ti inpakaamo ni Mr. Robert Benito iti Local Youth Development Officer iti nasao nga ili.
Segun ken ni Benito ti nasao nga programa ket gagem na a maipakaammo kadagiti tattatao no ana dagiti saan a napintas nga epekto ti bullying iti maysa nga indibidwal.
Kunana a gapu iti daytoy ket namnamaen da nga isu met t pangrugyan ti panagbalbaliw.
Inpetteng ni Benito a daytoy ket naiwayat iti Piddig Farmers Trading Center ken nakipagpasetan dagiti Barangay Officials, Sang. Kabataan officials, Pantawid Pamilyang Pilipino Program beneficiaries ken dagiti estudyante.
Inlawlawag na a daytoy a kampanya ket isu ti umuna a gundaway a panakaiwayat na ket kallikagumda nga itultuloy daytoy.
Kabayatanna, inrakurak ni Benito a ti nasao a programa ket inorganisar ti Liga ng mga Barangay nga idadaulwan ni President Lendell Benedict Chua iti baben ti koordinasyonna iti lokal a gobierno.
