LAOAG CITY – Inlawlawag ni Mr. Remelito Piedad, Provincial Director ti Anti-crime and Community Emergency Response Team (ACCERT) a maysa a mandato iti grupo da ti tumulong a mangprotehir ti aniaman nga aktibidad ti probinsya saan laeng ita nga UNDAS 2023.
Segun kenni Piedad, tumultulong da kadagiti kameng ti pulisya para iti naan-annayas a garaw ti trapiko pakairamanan ti panangipasigurado ti urnos, linak ken talna iti uneg ken ruar ti kamposanto.
Impakaammo ni Piedad nga isuda ti nakapokus iti mismo pagserrekan tapno imonitor dagiti bitbit dagiti residente a sumrek iti kampusanto.
Kunana nga adda ti 50 a miembro ti Anti-crime and Community Emergency Response Team (ACCERT).
Inlawlawag na a no adda da matiliwan da wenno matakkuatan da nga indibidual a nagsalungasing iti pagannurotan ket i-turn-over da kadagti kameng ti pulisya.
Maipalagip nga immunan nga inrakurak ti Philippine National Police a maiparit ti agitugot ti aniaman a makakapapatay nga armas, arak wenno mapan iti kampusanto a nakainom, pinagpatukar ti napigsa ken pinagay-ayam ti playing cards.
Kabayatanna, binallaagan ni Piedad ti publiko nangruna kaagiti mapan iti kamosanto nga agridam tapno maliklikan ti aniaman a riribok.
