LAOAG CITY – Maluksaw dagiti kameng ti Provincial Drug Enforecement Unit (PDEU) ditoy probinsya kalpasan a napaay da iti iwayat da koma nga anti-illegal drug operation iti ili ti Bacarra.
Saan a natuloy ti operasyon gapu ta nagkedked ni Barangay Kagawad Ferdinand Magcalas nga agtestigo gapu ta ti rason na ket saan a nakaduty.
Maipalagip a ti protocol sakbay a maiyuswat ti operasyon ket masapol nga adda ti maiyuswat a briefing a pakipagpasetan ti kameng ti Department of Justice, opisyal ti barangay ken kameng ti media.
Gapu iti inaramid ni Barangay Kagawad Magcalas ket plano ti Ilocos Norte Police Provincial Office (INPPO) a pilaan daytoy ti kaso administratibo.
