LAOAG CITY – Inpakaammo ni Ms. Shey Pia Abaya, ti mangidadaulo ti Public Employment Service Office (PESO) ditoy ciudad ti Laoag a karaman a maipaadal kadagiti estudyante iti maiyuswat a career guidance ket ti Anti-Illegal recruitment and trafficking in person.
Segun kenni Abaya, daytoy ti maysa a bilin ni Regional Director Christian Rey Sison iti Department of Migrant Workers Region 1 idi bimisita ditou ciudad.
Kunana a basar kenni Sison ket ado dagiti mabikbiktima iti kastoy isut gapuna a kasapolan a maipadal pay daytoy kadagiti estudyante.
Inlawlawag met ni Abaya nga addan to ti pannakarebisar ti module para iti career guidance ditoy ciudad tapno mairaman a mapagsasaritaan ti Anti-Illegal recruitment and trafficking in person.
Inbatad na a napateg daytoy tapno saan da a mabiktima kadagiti pagaplikaran da ken maisagana da ti bagbagi da iti kastoy a banag.
Kabayatanna, apaman a maisagana da amin ket agsurat da kenni Dr. Joan Corpuz, ti Schools Division Superintendent ti Department of Education-Schools Division of Laoag City para iti pannakaiyuswat ti career guidance kadagiti pagadalan ditoy ciudad ti Laoag.
