LAOAG CITY – Naminsan manen nga inpetteng ni Bamban Tarlac Mayor Alice Guo nga awan ti koneksionna iti aniaman a Philippine Offshore Gaming Operator operations iti pagilian isu a biddot nga awaganda isuna ti conspirator nga awan ti natibker nga ebidensia.
Inaramid ti Mayor ti rakurak kas reaksion iti reklamo nga Anti-Trafficking in Persons a naipila kontra kenkuana iti Department of Justice ti Philippine National Police Criminal Investigation and Detection Group pakairamanan ti Presidential Anti-Organized Crime Commission.
Inpetteng ni Mayor Guo, ti maaddaan laeng ti koneksion kadagiti kompania wenno indibidual ket saan nga umdas a pangibasaran tapno awagan ti maysa a tao a kakunsabo.
Kunana a dagiti nasao nga akusasion ket masapol a masuportaran ti umdas nga ebidensia.
Dinakamat nga awan ti aniaman a pakainaiganna wenno pannakipaset iti Zunn Yuan Technology, Inc. wenno aniaman a Philippine Offshore Gaming Operator iti pagilian.
Iti baet a saanna pay a naawat ti kopya ti pormal a reklamo, nagtalinaed a kumpiansa ni Mayor Guo nga awan ti umdas nga ebidensia a karaman isuna kadagiti akukasion.
Inyebkasna ti panagamakna kadagiti akusasion kenkuana ket nasapa a nairuar iti publiko sakbay pay a naipakita ti aniaman a kongkreto nga ebidensia.
Nagpanawagan ni Mayor Guo a naiget pay laeng nga imbestigaran dagiti kaso sakbay a mangiparuk-at ti aniaman a rakurak iti publiko.
Inpalgakna nga arig ket niluto pay laeng iti publiko ken iti media dagiti alegasion sakbay daytoy a naipataw kontra kenkuana.
Nakasagana ni Mayor Guo a sungbatan dagiti akusasion kontra kenkuana, ken naninindigan sa kanyang pangako na ipagtanggol ang katarungan at transparency sa mga proseso.
