LAOAG CITY – Inbatad ni Sang Panlungsod Member Bismark Quidang nga ad-adda pay a mapaigetan ti Anti-truancy Law iti ciudad ti Batac.
Inlawlawag ni Quidang ng iti baet a naideklarar ti Community Quarantine ditoy probinsya ket ado latta dagiti makitkita na nga agtutubo nga agwarang-warang iti langalang.
Gapu iti daytoy, inpetteng ni Quidang nga ipakat da amin nga ammo da tapno maprotehiran dagiti ubbing.
Inpakaammo pay ti konsehal nga iti babaen ti nasao a paglintegan ket adda ti bileg dagiti kameng ti pulisya ken uray dagiti barangay tanud a mangala kadagiti agwarang-warang nga estudyante no makita dagitoy iti ruwar kabayatan iti oras iti klase.
Innayon na a dagiti kameng ti pulisya wenno barangay tanud ti makaammo a mapan mangipakaammo kadagiti nagannak ti panagwarang-warang dagiti annak da.
