LAOAG CITY – Naragsak nga inpadamag ni Mrs. Cristy Dichoso iti Melbourne Australia a nagsublin iti normal ti panagbiag dagiti residente karaman ti pamilya ken gagayyem na iti Queensland kalpasan a dimmalapos ti Bagyo Debbie itay kallabes.
Inbatad na nga alisto ti panagrekobre da gapo ta agtitinnulong dagiti otoridad ken residente iti clearing operation ken ti panangipaay ti gobierno ti tulong kadagiti naapektaran nangnangruna dagiti mannalon a naikkan ti puunan gapo iti nadadael a mula da.
Kuna ni Dichoso a dandanum pay laeng ti Gold Coast ngem saan a makaapektar kadagiti sabali a residente.
Innayun na nga awan ti Pilipino a karaman kadagiti natay idinto a tallo a lallaki ti manarimaan a sapsapulen dagiti otoridad.
