LAOAG CITY – Immannugot ni Pope Leo XIV ti naiget nga apela ti sinukatanna a Santo Papa a ni Pope Francis para iti global disbarment a nagballaag a saan a magun-od ti napaut a kinakappia no agtultuloy nga adda dagiti mapaspasamak a riribuk ken rinnupak kadagiti nagduduma a pagilian.
Inpetteng ti baro a Santo Papa a ti kinakappia ket nasken a maibasar iti hustisia ken panangrespetar iti dignidad ti tao.
Inbatad ni Pope Leo a ti dignidad ket agtalinaed nga agpapada aniaman ti estado ti maysa a tao.
Naglippas ti panawaganna para iti intero a lubong iti panagkaykaysa ken ginutigotna a liklikan ti panagririri tapno saan a mangitunda ti dakes a mapasamak.
Innayon ni Pope Leo nga agkaykaysa para iti hustisia ken kinakappia nangruna kadagiti pagilian a makapaspasar ti gubat kas ti Ukraine ken Holy Land.
Kabayatanna, inrakurak ni Vatican Secretary of State Pietro Parolin a ti posibilidad a panagtaripnong iti nagbaetan da Pope Leo ken United States Secretary JD Vance iti panawen ti inagurasion ti Santo Papa ket nagtalinaed a saan pay a sigurado gapu iti naiget nga iskedyul daytoy.
