LAOAG CITY – Agngudo ita a bulan ti Hunio ti panagawat ti Provincial Education Office ti aplikasion dagiti interesado a sumrek nga agbalin nga iskolar ti gobierno probinsial.
Daytoy ti inpakaammo ni Mrs. Carolyn Juan Agcaoili, Education Research Assistant 1 ti nadakamat a pangopisinaan.
Inbatadna nga inrugida ti nagawat ti aplikasion kalpasan a nakaipabaro dagiti datin nga iskolar ti probinsia.
Inlawlawagna a karaman kadagiti nakaipabaro ti scholarship-da ti 231 nga Arts Scholar, 419 iti Senior High School ken 143 ti Agri-fishery iti sekondaria.
Kunana a dagiti nagipabaro nga iskolar iti kolehio iti Academic scholar ket 196, 30 ken 70 iti Agri-fishery.
Innayonna para kadagiti interesado, mabalinda ti ag-fill out iti form a nai-post iti page ti Provincial Education Office ken nailanad pay ditoy dagiti priority courses a mabalinda ti manggundaway iti scholarship program ti probinsia.
