LAOAG CITY – Binalakadan ti Commission on Election a nasken a makompleto dagiti agaplikar ti gun ban exemption dagiti requirement sakbay nga agipasa ti aplikasyon.
Daytoy ket kagiddan ti panangrugi ita nga aldaw ti gun ban application.
Maiplagip nga immunan nga inrakurak ti Commission on Elections a ti gun ban ket maipatungpal inton Enero 12, 2025, kas panagsagana para iti 2025 midterm elections inton Mayo.
Impasigurado met ni Comelec Chairman George Garcia kadagiti aplikante a maalada ti exemption iti uneg ti makalawas no maipasa amin a kasapulan a dokumento ken mabalinda nga agbayad ti online.
