LAOAG CITY – Inlawlawag ti saanen a nabigbig nga APOR iti Brgy. Zamboanga ditoy siudad ti Laoag seknan ti isasangpet na sakbay a nagpositibo iti COVID-19.
Daytoy ket seknan iti naibaga ni Barangay Chairman Elmer Lorenzo nga idi Hulyo 7, 2020 nga adda iti nasao a barangay.
Segun ti saanen a nabigbig a PAL manager, Hunyo 7 idi nangisumitir iti travel authority na a napalubusan iti nasao a petsa.
Kuna na nga idi Hulyo 6 ket adda ti taripnong na iti CAAP, DOH, Bureau of Quarantine, CAAP Manager, dagiti empleyado iti eropuerto ken dagiti empleyado iti opisina ti gobernador pakaseknan iti flights.
Gapu iti daytoy, manipud Hulyo 6 agingga iti daytoy a gundaway ket nagtalinaed ditoy siudad ti Laoag ken saan a pulos a nagturong iti Metro Manila.
Inbatad ti APOR a sipud Hulyo Uno a panagturong na iti Camella Homes agingga iti daytoy a gundaway ket saan a rimwar ditoy siudad ti Laoag.
Kabayatanna, inlawlawag ti APOR nga idi Hulyo 22 ket adda ti naiwayat a rapid test iti airport idinto a ti resulta na ket negatibo.
Simmaruno a naiyuswat ti swab test idi Hulyo 24 ket timmawag kenkuana ni Dr. Reina Cruz idi Hulyo 26 a sukunen da babaen iti ambulansya.
Saan na nga ammo no anya ti estado na idi immay da sinukun ken awan ti ammo na no kasano a nakaala ti COVID-19.
Gapu iti daytoy, nagtalinaed iti isolation area iti Patty Garden Inn.
