LAOAG CITY – Saan nga inkapilitan a mangipresentar ti negative antigen test result dagiti Authorized Persons Outside Residence (APOR) nga agturong iti ili ti Dumalneg kangrunaan na dagiti mapan agideliver ti nagduduma a banag.
Daytoy ti inbatad ni Police Lt. Floro Cosning, ti chief of police iti ili ti Dumalneg.
Inlawlawag na a no awan ti maipakita nga antigen test result ti maysa nga APOR ket makastrek latta iti nasao nga ili.
Nupay kasta, inbaga na a masapol a mapan bayabayen ti kameng ti pulisya wenno opisyal ti barangay iti pagideliveran ti maseknan.
Reaksyon daytoy ni Cosning kalpasan nga adda ti nagreklamo ditoy Bombo Radyo a maipagarop a saan nga agpastrek ti PNP iti ili ti Dumalneg kadagiti APOR no awan ti negative antigen-test result na uray addan iti babaen ti General Community Quarantine (GCQ).
