LAOAG CITY – Naan-anayen nga inaprubaran ti konseho ti appropriation ordinance wenno pannakaipasa ti RA 7171 iti ili ti Sarrat.
Daytoy ti inpakaammo ni Vice Mayor Remigio Medrano iti nasao nga ili.
Segun ken ni Medrano, ti kangrunaan a mabenepisyaran iti maawat da a kwarta ket dagiti mannalon nga agmulmula ti tabako.
Mangnamnama a babaen iti daytoy ket ad-adda pay a magutigot dagiti maseknan a mannalon a paadwen ti produksyon da.
Innayon na a babaen iti panangtutuk da a tulungan dagiti agmulmula ti tabako ket maallukoy met dagiti dadduma a mannalon iti ili ti Sarrat nga agmula met ti tabako.
