LAOAG CITY – Agpada a bimmaba ti approval ken trust ratings da Presidente Ferdinand Marcos Jr. ken Vice President Sara Duterte iti kabaroan a survey nga insayangkat ti Publicus Asia Inc. iti napalabas a tawen.
Nadakamat a ti 2026 First Quarter (PQ1-2026) survey ket naiyuswat manipud Marso 21 agingga iti 24, 2026 ken nakipasetan ti 1,509 respondents manipud iti intero a pagilian.
Nakairekord laeng ni Marcos ti 19% approval rating ken 13% trust rating a nababbaba maidasig iti nairekord iti maikapat a paset ti 2025 a nakairekord ti Presidente ti 22% approval rating ken 15% trust rating.
Basar iti survey, maitudtudo a rason iti panagbaba ti ratings ti Presidente ti maipagarup a pannakapaay a pagsungbaten dagiti big fish wenno dadakkel a personalidad iti kontrobersial iti flood control (23%), isyu iti panangikabil ken ni dati a Presidente Rodrigo Duterte iti The Hague iti baet ti panagikkat ti pagilian iti Rome Statute (16%) ken ti saan a panangsolbar ti gobierno iti ngumatngato a presio ti gasolina (16%).
Kabayatanna, dakkel met ti nagbabaan ti ratings ni Vice President Sara no sadinno a ti trust ratings ket nagbalin a 28% laengen manipud iti dati a 34% idinto a ti trust rating ket bimmaba met ti 26% manipud iti dati a 31%.
