LAOAG CITY – Maysa a shopping mall idiay Dorchester, England, ti nanggandat a magun-od ti naidumduma a world record iti babaen ti panagtitipon dagiti tattao a naka-costume ti ar-aria.
Ti nasao nga event ket maikaduan nga attempt ti shopping mall a Brewery Square Dorchester tapno makaaramid ti Guinness World Record para iti titulo a “Largest Gathering of People Dressed as Ghosts.”
Iti umuna nga attempt idi Halloween 2023, dumanon laeng iti 204 ti nakipaset gapu iti napigsa a tudo.
Kageddan ti record attempt, maaddaan ti live music ken panagsala para kadagiti makipaset.
Nupay kasta, saan manen a nagun-od ti Brewery Square ti rekord gapu ta 346 a tattao laeng ti napan nakipaset.
Basar iti official Instagram account, kurang dagiti participants tapno maabak ti agdama a record holder.
Ti agdama a rekord ket addaan ti 1,024 a tattao ken nairekord daytoy idiay Japan idi Agosto 2023.
Sakbay daytoy, iggem ti Mercy School Mounthawk idiay Tralee, England ti rekord nga addaan ti 560 a tattao idi 2017.
