LAOAG CITY – Inpakaammo ni Dr. Allan Taylan a nakarkaro a dadaelen na ti dalem ti maysa a tao iti panaginom ti arak.
Kuna na a malaksid iti sumagmamano a lalaem ket perdien na pay dagiti cells ti bagi a manglablaban kadagiti mikrobio a sumrek iti bagi.
Segun kenni Dr. Taylan, saan a pudno a patayen ti arak dagiti mikrobio iti uneg ti bagi no uminom ti maysa a tao.
Inbatad na a napinpintas pay a mausar a pagbuggo kadagiti ima ti gin wenno arak gapu ta addaan iti ramen nga alchohol.
Inlawlawag ni Taylan a nababbaba ti alchohol content dagiti arak ngem dagiti umiso a rubbing alchohol.
Innayon ni Taylan a napinpintas pay laeng ti agusar ti sabon a pagbuggo ken pagdalus ti bagbagi.
