LAOAG CITY – Sumango ni Argentine President Javier Milei ti impeachment ken legal action gapu iti akusasyon kenkuana a fraud seknan iti panangitandudo na ti cryptocurrency iti social media.
Ni Milei ket nagpost iti X a dati a Twitter, maipanggep iti $LIBRA coin a kunana ket dakkel a makatulong tapno pondoan dagiti babassit a negosyo ken uray dagiti kayatna ti mangirugi ti negosyo.
Nupay kasta, kalpasan ti sumagmamano a gundaway ket inikkat metlaeng ti presidente ti inpost na.
Kaadoan a miembro iti oposisyon iti kongreso ket inrakurak da a plano da a rugyan a trataren ti impeachment kontra iti presidente iti kabiitan a panawen.
Kagiddan iti daytoy ket nagpila ti sumagmamano nga abogado iti reklamo a fraud iti criminal court ti Argentina kontra kenni Presidente Milei.
Mainaig iti daytoy, inkalintegan ti opisina ti presidente a ti desisyon a ni Milei a mangikkat iti post na ket tapno maliklikan ti ispekulasyon kalpasan ti nagbalin a reaksyon ti publiko iti panangitandudo na ti cryptocurrency.
