LAOAG CITY – Inballaag ti Philippine Atmospheric, Geophysical and Astronomical Services Administration (PAGASA) ti publiko nga agannad iti manamnama a nabara a panawen ken nangato nga heat index kadagiti sumagmamano a paset ti pagilian agingga inton Mayo gubuay iti napipigsa nga easterlies.
Inbatad ni Nathaniel Servando, administrador ti PAGASA, saan a ti El Niño ti rason ti panagngato ti temperatura gapu ta mapaspasaran latta ti La Niña iti agdama.
Inlawlawagna nga agtultuloy a mapaspasaran ti pul-oy ti northeast monsoon wenno angin amian ken posible nga ideklarar ti panaglippas ti amihan season iti maikatlo wenno maikapat a lawas ti Marso.
Kuna ni Servando a mabalin nga umabot iti nagbaetan ti 28°C iti Cordillera agingga iti 37.9°C iti Cagayan Valley ti temperatura.
Manamnama a marikna ti nangatngato nga heat index iti Palawan, Panay Island partikular iti Iloilo, Negros Island, ken dadduma pay nga addaan ti nalawa a baybay a lugar nga adda to nangato nga humidity-na.
Mabalin nga umabot ti heat index manipud iti caption agingga ti danger level.
