LAOAG CITY – Inlawlawag ni Miss Marlyn Bonilla iti San Nicolas Water District no apay arigna nagdoble ti bayadan ti maysa a member consumer iti ili ti San Nicolas.
Segun kenkuana, idi bolan ti Abril ket saanda a nakapan nag-reading gapu iti kellaat a panagngato ti kaso ti covid-19 iti nasao nga ili.
Gapu iti daytoy, ti naconsume iti napalabas a tallo a bolan ti napagtitipon ken naala ti average na nga isu ti bayadan ti nasao a member-consumer.
Inadmitir ti nasao a member-consumer nga idi bolan ti Abril ket ado ti nausar da a danom gapu ta nagminatay da ngem nag-reflect laeng daytoy ita a bolan ti mayo.
Inbaga ni Bonilla a naawatan met laeng ti nasao a member-consumer ti nagbalin a palawag da no kasanu a nakuntar ti bayadan na iti danom nga arigna nagdoble manipod iti sigud a baybayadan da.
