LAOAG CITY – Pinasigurado ni Senador Risa Hontiveros iti Philippine National Police a pati dagiti armas dagiti miembro ni Kingdom of Jesus Christ leader Pastor Apollo Quiboloy ket kumpiskaren.
Kagiddan daytoy ket nagyaman ni Hontiveros iti Philippine National Police gapu iti panag-revoke iti lisensia dagiti armas ni Quiboloy.
Nupay kasta, inpetteng ni Hontiveros, rumbeng latta a siguradoen ti Philippine National Police nga awan ti armas ti maibati kadagiti miembro ni Quiboloy.
Mangnamnama ni Hontiveros a maarestaren ni Quiboloy iti kabiitan a panawen nangruna ket agtultuloy nga aglablabsing iti konstitusion ti pagilian.
Innayonna nga adda pay ti inruar ni Quiboloy iti kallabes nga audio recording no sadino nangted ti banag a mangideskribir iti lugar a pagtaltalinaedanna.
