LAOAG CITY – Manamnama a mangisayangkat ti Armed Forces of the Philippines (AFP) ti background checks kadagiti kandidato para iti 2025 Midterm Election.
Ti inisyatibo ket iti babaen ti naiget a monitoring ti Commission on Elections ken Philippine National Police.
Kalikagomda a ma-identify dagiti posible a pangta nangruna inton mangrugi ti kampaniya.
Inpasigurado met ti Armed Forces of the Philippines nga agbalin a fair ti panangisayangkatda ti background checks wenno profiling.
Miapalagip nga immunan nga inrakurak ti Commission on Elections (Comelec) dagiti lugar ditoy pagilian a karaman kadagiti ‘areas of concern’ para iti mapaspasangasangan a 2025 Midterm Election.
Segun kwn ni Commission on Election Chairman George Erwin Garcia, adda uppat a kategoria ti areas of concern, karaman ditoy ti green category, yellow catergory, orange category, ken red category.
Maibasar iti listaan ti Commission on Election, mabalin nga umabot iti 403 a lugar ti manamnama a maipasidong kas areas of concern gapu ta kadagitoy a lugar ket addaan kadagiti election-related incident.
Iti daytoy a bilang, 38 ti adda iti red category wenno lugar nga addaan kadagiti pangta. Kaaduan iti daytoy a lugar ket adda iti Bangsamoro Autonomous Region in Muslim Mindanao, Rehion 2, Rehion 5, ken Rehion 8. Idinto a 1,239 ti adda iti green category.
Kabayatanna, adda posibilidad a mabaliwan ti bilang dagiti ‘areas of concern’ gapu ta saan pay a nangrugi ti kampania.
