LAOAG CITY – Inrakurak ni Arnold Clavio a tallo a bulan laeng daytoy a dimmalan iti therapy.
Inadmitir ti maysa kadagiti poste ti early morning show ti Kapuso network nga uray dimmanondan ti 25 a tawen iti tangatang ket saan latta a maum-uma isuna kas anchor ti programa.
Iti kinapudnona, nagserbi pay daytoy nga inspirasionna tapno dagus daytoy nga agpapigsa ken agpaimbag kalpasan a nakapasar ti hemorrhagic stroke idi Hunio.
Inbatad ni Igan a babaen iti agtultuloy a panagngato ti ratings-da ken arig birbiroken ti bagina ti nasao a programa ket ikarigatanda a sumrek iti trabaho tapno agserbi iti publiko.
