LAOG CITY – Indiskribir ni Lingayen-Dagupan Arsobispo Socrates Villegas ti China a kas “pangta” iti soberanya ti Pilipinas.
Segun ken ni Villegas, adda pammaneknek a dagiti aramid China Coast Guard ket mangsalungasing iti karbengan ti Pilipinas iti babaen ti ideolohia a saan a mangbigbig iti Dios, ken mangtaginayon kadagiti amin a relihion, pakairamanan ti panagsanay iti pammati iti sidong ti “totalitarian boot”.
Dinakamat pay ni Villegas ti “provocative actions” ti China kontra iti barko ti Philippine Coast Guard, nangruna iti Escoda Shoal.
Inlawlawag pay ti Arsobispo ti posibilidad a ti gobierno ket naserrek dagiti sanikua ti China, no sadinno a mannarimaan ti imbestigasion ti Kamara ken Senado.
Segun ken ni Villegas, adda ti “moral issue” a nairaman iti tignay ti China mainaig iti interes dagiti Pilipino iti panang-secure ti masakbayan iti babaen dagiti resources nga inpaay ti Namarsua.
Innayonna pay ti “moral issue” ti panangitandudo iti karbengan ti pagilian iti pammati, uray ti karbengan a masalakniban manipud iti panangraut dagiti ahente ti “ateistic ideology.”
Kabayatanna, ginutigot ni Villegas ti publiko a makipaset iti kampania ti Rosario manipud Hunio 27 agingga iti Solemnity of the Assumption inton Agosto 15.
Inawaganna pay dagiti Katoliko nga agayuno, pakairamanan dagiti lehislador nga agbalin a determinado kadagiti imbestigasionda, ken agbalin a nasirib seknan iti Chinese Infiltrators.
Binilin na pay dagiti piskal ken hues nga agbalinda a napudno kadagiti sapatada iti opisina kas administrador ti hustisia tapno kitaenda ti rumbeng a maipataw a pannusa kadagiti amin a mangaramid ilegal a proseso iti pagilian. Kabayatanna, mangnamnama pay ti Arsobispo iti naan-anay a suporta manipud iti gobierno.
