LAOAG CITY – Ad-adaptarenen ti Mariano Marcos Memorial Hospital and Medical Center ti artificial intelligence wenno AI.
Segun kenni Dr. Jose Orosa, Chief Medical Staff III ti nasao nga ospital, karaman dagiti equipment kas iti ti ECG, Mechanical ventilator, CT-scan, modern scope, laparoscophic surgery, transplant surgery, corneal transplant ken dadduma pay.
Kunana nga in-inot nga umad-ado dagiti kagamitan da a dagitoy ket maibilang a moderno para ti napinpintas ken husto a serbisio nangruna ket umad-ado dagiti pasyente iti ospital.
Kabayatanna, inbatad ni Orosa a malaksid ti AI nga ad-adaptaren da ket kalikagom da pay ti pannakainayon ti Trauma Center gapu ta masapol daytoy iti panagado ti pasyente ken biag ti nakapusta iti daytoy.
Kunana a no 500 ti pasyente ket 400 laeng ti kapasidad ken uray mapadakkel ti emergency room ket mapunno latta gapo ta 120% a porsiento ti naakumodaren ti ospital wennu ibilang da a surge capacity.
