LAOAG CITY – Maysa nga artist idiay Estaodos Unidos ti napagsasaritaan dagiti artwork gapu iti kabaelanna nga agaramid nga arig maysa a black and white sketch dagiti sapatos, kotse ken chapel.
Ni Joshua Vides, maysa a visual artist idiay Los Angeles ket am-ammo iti “Reality to Idea” (RTI) technique no sadinno nga nagduduma a banag ti kabaelanna nga i-sketch.
Nangrugi ti amin idi pinintaanna ti maysa a pares ti Nike Air Force 1 ken inaramidna daytoy kas maysa a drawing ti ima nga insigida a nag-viral iti Instagram.
Gapu iti panagballigina, pinadasna met nga aramiden ti sketch ti maysa a 1992 Acura NSX.
Ti naisangsangayan a disenio daytoy ket nagbalin a sentro ti maysa nga exhibit ken nanglukat kenkuana iti oportunidad iti lubong ti automotive art.
Saan a nagbayag, naki-collab daytoyen kadagiti nalalatak a brand kas ti BMW ken Ferrari.
Saan laeng a kotse ti inaramidna nga obra pakairamanan ti sibubukel nga exhibition space ket pinintaanna ti signature black-and-white style a nangipaay kenkuana ti ideya nga aramiden nga sketch-style ti sibubukel a wedding chapel.
Iti agdama, agtultuloy ti panangbigbig kenkuana iti benneg ti fashion, automotive ken dadduma pay nga industria.
