LAOAG CITY – Maysa nga artist ken content creator idiay Texas, U.S.A. ti nakagun-od ti world record kalpasan a nakapartuat ti kadakkelan a pendulum painting iti intero a lubong.
Kinumpirmaran ti Guinness World Records a ni Cole Newman ti baro a record holder ti titulo a “Largest Dripping Pendulum Painting.”
Daytoy ket kalpasan a nakaaramid ti pendulum painting nga adda ti kadakkelna a 25,000 square feet a maidasig ti kadakkelna iti walo a nagsusukot a tennis court.
Naammoan a tapno magun-od daytoy a world record, kinasapulan ni Newman ti tulong manipud iti 20 a tattao a nagbalin a crane operator, media team ken setup team no sadinno a nagusar pay isuna ti 1,000 pounds a pinta ken 250 feet a crane.
