LAOAG CITY – Napalaos ti panagyaman ni Barangay Chairman Jogie Jimenez iti Barangay Poblacion iti ili a Burgos ti pananmgiyendorsa ni Gov. Matthew Marcos Manotoc ti programa iti barangay da nga “Awan Rugit Yan ti Aglawlaw” wenno ARYA Poblacion iti Search for Outstanding Volunteer LGU Category Special Citation.
Segun kenkuana, maragsakan gapo ta ti napili ti gobernador kenni Mrs. Estrella Baby Sacro iti Environment and Natural Resources Office nga inyendorsar ket ti maipanggep iti Solid Waste Management wenno ti napintas a panagibelleng dagii basura.
Inbatad ni Jimenez nga addan ti pakaammo kenkuana ti National Economic Development Authority wenno NEDA a ti insalip ti probinsya ti napili a mangibagi ti Rehiyon Uno iti benneg ti National.
Inlawlawag na nga adda ti nayun a requirement a kiniddaw ti NEDA ken daytoy ket seknan dagiti testimonya dagiti volunteers mainaig iti rason ti panangipaay da ti boluntaryo a serbisyo da iti nasao a programa ti barangay da.
Kunana nga inbunannag ti NEDA Regional Office a dagitoy ti manangisagana ti write-up seknan iti inyuswat da a validation.
Innayon na a ti nasao a pasalip ket nakibinnuligan ti DILG ken manamnama a mairakurak dagiti mangabak intono Diyembre.
