LAOAG CITY – Pimmusayen ni Leonardo “Remy” Monteverde ti asawa ti mabigbigbig a film producer ti pagilian a ni Mother Lily Monteverde.
Basar iti kampo daytoy a natay ni Leonardo iti tawenna a 86 gapu iti sakitna a pneumonia.
Dati a basketball player ti San Beda High School ni Monteverde a naipasngay idi Disiembre 25, 1937.
Iti agdama, nakamansayag daytoy iti 38 Valencia Events Place idiay Quezon City agingga inton Agosto 2.
Nangipadanon met ti pannakipagladingit dagiti naruay a showbiz personalities iti pannakatay ti asawa ti mabigbigbig a film producer ti pagilian.
