LAOAG CITY – Patien ni Mrs. Gina Pascua, asawa ni Felino Gubac Pascua Jr, agtawen ti 43, tricycle driver, residente iti Brgy. 32-A, Laoag City a biktima ti pammaltog a ti motibo ti krimen ket love triangle.
Segun kenni Mrs. Pascua, saan a mailinged a ti asawa na ket “babaero” ngem awan met dagiti nakairamramanan a a krimen malaksid iti pannakatiliw na idi 2022 gapo iti iligal a droga.
Inlawlawag na nga itay laeng kallabes ket adda ti timmawag kenkuana nga agnagan ti “Nelly” a dati a live-in partner ti biktima ken maipagarop a nagpangta daytoy isut gapo na nga atapen na nga adda ti pakainaigan na daytoy iti pannakapapatay na.
Rumrumuar a ti inbaga kenkuana ti timmawag ket adda ti kinasarita na a taga Sanchez Mira nga isu ti mangpasardeng kenni Felino.
Inbatad na binagaan na met ti “Nelly” a saan na nga ar-aramiden daytoy ngem inbatad ti maseknan a takderan na ti sao na ngem saan na nga inpagarop a kastoy ti mapasamak iti asawa na.
Mainaig iti daytoy, kuna ni Gina a nakita ti manugang na ti insidente isut gapo na a binakal na pay ti botelya ti kotse ti suspek.
Kunana nga idi naamoan da ti napasamak ket nagtataray da a napan iti nakapasamakan ti pammaltog ken saan da nga inpagarop a ti kotse a dandani nakadungpar kadakuada ket isu ti nagluganan ti suspek.
Basar iti panangidiskribir ti manugang na iti suspek, nakasuot ti army green, naka-balck shorts ken medyo nalukmeg.
Kabayatanna, inbatad na a nalukatan da ti account ti biktima ken ditoy a nakita da dagiti chat ti “Nelly” a maipagarop a nangipangpangta iti daytoy.
Maipalagip a pinaltogan ti suspek iti namin-dua a daras ti biktima a puon ti nakatayan na.
Narekobre dagiti otoridad iti nakapasamakan ti krimen ti maysa a fired cartridge case iti caliber .45; maysa a deformed metal jacket; ken dadduma a personal a kagamitan ti suspek.
Agtultuloy met ti naun-uneg nga imbestigasyon dagiti otoridad mainaig iti nasao a pammaltog.
