LAOAG CITY – Nagkamang ditoy Bombo Radyo-Laoag ti agnagan ti Arjay Ganotisi taga Bgy. San Marcelino, Dingras Ilocos Norte gapu ta madangdangran ti asawan na nga adda idiay Jeddah, Saudi Rabia.
Binigbig ni Arjay ti asawana a ni Ruby, addan maysa a tawen ken tallo a bulan nga adda iti nasao a pagilian.
Madandanagan a nagesturya ni Arjay a no sadino nga inbaga na nga idi Agosto 19 a panagsarita da ti asawa na ket kinugtaran ken binasnutan ti tali ti amo na a lalaki.
Kuna na a ti rason no apay a dangdangran da ket gapu ta saanda a kayat ti panagtrabaho na.
Nupay kasta, idi ibaga na nga agawid laengen ken agpaitulnog iti agency na ket agkedked da nga itulnog.
Inlawlawag pay ni Arjay a kinumpiskar da ti cellphopne ti asawa na ken saanda amin nga ited ti suweldo na malaksid no ibaga na nga agpaoit ditoy Pilipinas
Kuna na pay nga imbag ta adda ti naam-ammo na a nagpatulungan na tapno maipakaamo na kenkuana ti kaudian a situasyon na.
Mainaig iti daytoy, kalikagum ni Mr. Ganotisi a matulungan ti asawa na ken no kasapulan ket agawiden daytoy.
Binigbig ni Arjay ti agency a nangipatulod iti asawa na idiay abroad a ti Mothers Way Recruiment Agency.
Nakisarita metten ni Mr. Ganonitisi ti nasao nga agency a nangipanamnamaamda a tulungan da daytoy.
Mainaig iti daytoy, addan ti addang nga inaramid ti Mothers Way Recruitment Agency iti ciudad ti laoag a matulungan ti OFW a maipagarup a madangdangran babaen kadagiti amo na idiay Jeddah, saudi Arabia.
Iti pannakiinnuman ti Bombo Radyo ken ni Miss Marimi Victorino, manager ti nasao a recruitment agency, kinuna na a nakikoordinar dan kadagiti maseknan tapno matulungan ti OFW a ni Ruby Ganotisi a taga Bgy. San Marcelino iti ili ti Dingras.
Nupay kasta, nagpangta ti manager a no adda ti negatibo a resulta iti pannakaidanon na ti nasao a pasamak iti radyo ket mangaiwayat da ti legal action.
Ti nasao a recruitment agency ti nangipatulod ken ni Ganonitisi idiay Saudi Arabia.
Kabayatan na, ibilang ni Mrs. Anne Marie Lysette Bitangcor Atuan mangidadaulo ti Public Employment Service Office (PESO) ti Ilocos Norte a dakkel ti akem dagiti recruitment agency a mangkita ti sitwasyon dagiti inpatulod da nga empleyado idiay ballasiw taaw.
Segun ken ni Atuan, siasinnuman nga agency wnno indibidwal ket mabalin da ti agakamang iti OWWA wenno DOLE tapno maaktuaran no ania man ti parikot dagiti inpatulod da wenno kameng ti pamilya.
Kuna na nga amin met dagiti naidatag iti opisina da a parikot ket naidanunen iti OWWA ket ti laengen aramiden da ket ti mangi-follow-up kadagitoy.
