LAOAG CITY – Inpeksa ni Mrs. Maribel Arellano, asawa ti pulis, tubo idiay Baguio City ngem agnanaed idiay Barangay Balatong ditoy ciudad ti Laoag ti sakit ti nakem na kalpasan a naitudo a maysa a suicide bomber.
Segun kenni Arellano, mabutbuteng isuna gapo iti agwarwaras a facebook babaen ti peke nga account ti asawa na a daytoy ket maysa a suicide bomber.
Inpetteng na nga awan ti kinapudno na daytoy ken nagtalinaed da ditoy ciudad ti Laoag gapo ta napasamak man daytoy kenkuanan idi adda idiay Baguio City..
Mainaig iti daytoy, kuna ni Arellano nga idi napan na inpacheck up ti anak na iti Laoag City General Hospital ket nakigtot gapo ta bayat nga ur-urayen na ti resulta ket adda ti immasideg kenkuana a maysa a pulis.
Inlawlawag na nga inayaban isuna ti pulis a rumwar ken ditoy a nailawlawag kenkuana a timmawag ti nasao nga ospital iti PNP nga adda iti uneg ti pasdek ti maiwarwaras iti social media a suicide bomber.
Inbatad na a naireport na daytoyen iti PNP ken kalikagom na a maamoan no siasinno ti adda iti likudan ti nasao a peke nga account nga agiwarwaras a daytoy ket suicide bomber.
Nagpanawagan met a maisardeng ti agwarwaras a damag gapo ta maap-apektaran ti pamilya na nangruna dagiti annak na.
