LAOAG CITY – Dumaw-dawat ti tulong ti asawa ni Mr. Jonathan Publico, operator ti pay loader ken residente ti Sitio Nagcaluan Bgy. Tabug iti ciudad ti Batac kalpasan a naiwayatan ti drug buy bust operation.
Segun kenni Mrs. Jona Publico, iti bigat ti Biyernes ket napan pay laeng timmulong a nagluto idiay Brgy. Cangrunaan ken idi agawid ti rabiin a nakamotorsiklo ket maipagarop a dinamag dagiti uppat a nakasibilyan no anya ti nagan na.
Inbatad na a kalpasan a naibaga na ti nagan na ket pinosasan dagiti uppat a lallaki ti asawa na bayat ti kaaddda da iti paset ti bantay ken awan ti tattao.
Inpetteng na a nakita na a mismo nga adda ti inpabulsa dagiti pulis a maipagarop a marijuana ken malasin na no siasinno a kameng ti PNP daytoy.
Kunana nga idi ummuna a nakapkapan ti asawa na ket awan ti kwarta na ngem idi maikadua a nakapkapan ket addan ti 500 a pisos iti bulsa ti akusado.
Mainaig iti daytoy, dinamag na kadagiti pulis no apay a tiliwen da daytoy ken ti sungbat dagiti maseknan ket aglaklako ti asawa na ti iligal a droga.
Innayon na a maysa laeng a sachet ti adda ti bulsa ti lalaki a Publico ken daytoy ti maipagarop nga inpan dagiti pulis ken ti kwarta.
Paset ti panagsarita ni Mrs. Jona Publico, ti asawa ni Jonathan Publico a naiwayatan ti drug buy bust operation diiay ciudad ti Batac.
