LAOAG CITY – Naipisuken iti Bureau of Jail Management and Penology (BJMP) ni Mrs. Marie Jane Clemente iti Barangay Vira ditoy ciudad ti Laoag kalpasan a nagpursige ti kaso nga obstruction of justice ken illegal possession iti iligal a droga.
Segun kenni Agenct Harry Cariño, ti intelligence officer II iti Philippine Drug Enforcement Agency (PDEA), narekomendaran a makapagpyansa ni Clemente ti 36 a ribo a pisos para iti sangsangwen nga obstruction of justice idinto a 200 a ribo a pisos para iti illegal possession iti iligal a droga.
Nupay kasta, saan a nakapagpyansa ni Clemente rason a naipisok iti Burea of Jail Management and Penology ditoy ciudad.
Mainaig iti daytoy, naipila met kas regular filing ti kaso a panaglabsing iti Section 11 iti Republic Act 9165 ti asawa na a ni Mr. Villamor “Bobot” Clemente nga agpapan ita ket saan pay a nabirukan.
Kuna ni Cariño a posible nga awanen ditoy ciudad ti Laoag ni Bobot a naglibas idi iyuswat dagiti otoridad ti operasyon.
Maipalagip nga iti operasyon ket walo a sachet ti maipagarop a shabu ti nakita dagiti otoridad iti pagtaengan da Clemente no sadinno bayat ti operasyon ket inpurwak ni Mrs. Clemente iti tawa da ti maipagarop nga iligal a droga.
