LAOAG CITY – Kinumpirmaran ni Brgy. Chairman Nick Foronda iti Brgy. Dipilat iti ili ti Vintar nga addan ti kaso ti African Swine Fever (ASF) iti barangayda.
Inbatad na nga adda ti kellaat a pannakatay dagiti taraken a baboy iti nasao a a barangay.
Gapu iti daytoy, kuna na a naalan ti sample dagiti baboy ken naipaladan iti test ket adda ti positibo iti ASF.
Inpakaammo ni Foronda nga addan ti pannakisaritana iti lokal a gobierno iti ili ti Vintar pakairamanan ti provincial veterinary office.
Mainaig iti daytoy, kuna na a mapatta-patta a maikali ti agarup 600 a baboy manipod iti 500-meter radius.
Kabayatanna, saan met nga inbuksilan ni Foronda ti namungayan ti virus agsipud ta adda ti intuding ti lokal a gobierno a mangilawlawag ken mangipakaammo iti daytoy.
