LAOAG CITY – Saan nga umanamong ni Asia’s songbird Regine Velasquez ti saan a nasayaata a panag-post iti social media dagiti performances video manipud kadagiti concerts.
Daytoy ket kalpasan nga ag-react ti OPM icon ti reaksion iti isyu gapu ta nabara pay laeng ti topic ti pannaka-upload ti full video manipud kadagiti live concert.
Segun kenkuana, saanen a malappedan dagiti kakastoy a banag ngem nupay kasta saanna a supsuportaran ti kastoy nga aramid.
Kinunana nga adda kabukbukodan nga imperfection ti siasinnoman a performer ken kunana a gagangay laeng daytoy.
Kabayatanna, inkumpararna pay ti live performance a kunana nga adda ti adrenaline daytoy no sadinno a ditoy a tumaod dagiti feelings a kasapulan ti performance.
