LAOAG CITY – Nasair ti rikna dagiti tattao iti inaramid ti maysa nga aso idiay Istanbul, Türkiye a nangkagat iti anak na ken intaray na iti maysa a veterinary clinic.
Iti report, nakita iti CCTV camera iti ruar ti maysa a veterinary clinic ti isasangpet ti aso a “bitbit” na ti anak na nga uken a saanen nga aggar-garaw.
Nakita met a dagus ti maysa nga staff iti clinic ti agina nga aso ket inpan na iti uneg ti awan ti puot na nga uken para iti pannakataming na.
Segun met iti beterinaryo, nakapsot ti pitik ti puso ti uken ken bassit ti tsansa na a maisalbar.
Bayat met a matamtaming ti uken ket nakabantay ti ina nga aso ken arig na madandanagan iti anyaman a mabalin a mapasamak.
Kabayatanna, nakalasat met laeng ti uken ken naduktalan a ti ina nga aso ket nabayag a naiyadayo kadagiti annak na kalpasan nga innala ti animal control ken nakapon.
