LAOAG CITY – Maysa nga aso nga addaan ti naidumduma a talento ti nakaala ti imatang ti publiko kalpasan a nakagun-od ti Guinness World Record iti skateboarding.
Ni Coda, maysa a cocker spaniel manipud idiay Japan ket nagna iti luppo dagiti 40 a tattao kabayatan a nakalugan iti skateboard.
Ti record-breaking ket naiyuswat iti set ti Italian TV show a Lo Show Dei Record.
Inabak ni Coda ti dati a rekord a 33 a tattao nga inaramid ti maysa met nga aso manipud idiay Japan a ni Dai Chun idi 2017.
Ti akinkukua ken mangsansanay ken ni Coda ket ni Satomi Asano ket maysa a professional dog trainer.
Gagemna a dumalan iti panagsanay dagiti tarakenna nga aso babaen ti positibo a panag-ugali ken liklikan ti aniaman a pannusa wenno negative reinforcement iti training.
Pammaneknek ni Coda a saan laeng a tao ti kabaelanna ti agpasikat iti lubong ti extreme sports gapu ta uray kadagiti aso ket kabaelanda met daytoy.
