LAOAG CITY – Inlawlawag ni Dr. Allan Taylan dagiti nagduduma a sakit a masagaba iti panagsarabu ti baro a tawen nangruna no makaadu dagiti tattao iti makan.
Inbunannag na a ti kangrunaan a mapasar dagiti maseknan ket gastro-esophageal reflux wenno acid reflux gapu ti kaado dagiti nakan ti maysa a tao.
Inbatad na a posible a maaddaan ti tao iti asthma, panaguyek, panagatake ti puso ken posible a mabangungot wenno mapuan ti dara ti pali ti maseknan.
Maapektaran pay dagiti addaan ti highblood, diabetis, ken dagiti nastroke.
Inlawlawag ni Dr. Taylan a ti kaadu dagiti nakan ti maysa a tao ket maaddaan ti hemorrhagic pancreatitis.
Kuna na nga adda ti limitasyon ti bagi kadagiti maipauneg ken no masubraan ket saan a napintas para iti bagi.
Iti mainaig a damag, makaapektar iti salun-at ti asok ti paputok gapu ta addaan kadagiti kemikal a nausar iti daytoy.
Inbatad ni Dr. Allan Taylan a makaapektar iti bara wenno respiratory system ti asok dagiti paputok.
Kuna na a possible a kumaru pay daytoy ken maaddaan da iti acute respiratory attack wenno marigatan nga umanges.
Mainaig iti daytoy, adda pay epekto na dagiti paputok no adda ti gundaway a makaipauneg kadagti ramen na ken apektaran na dagiti sumagmamano nga internal organs.
