LAOAG CITY – Pinalagipan ni Police Executive Master Sergeant Eduard Mabutas, assistant team leader iti Highway Patrol Group ditoy probinsya dagiti agimanmaniher ti pampubliko a lugan a saan da a liplipatan a kitaen ti vaccination card sakbay nga aglugan dagiti pasahero da.
Inlawlawag na a sipud nagsita da, ket nagtalinaed nga awan dagiti naduktalan a saan a nakaitugot ti vaccination card a pasahero a naglugan kadagiti pampubliko a lugan.
Malaksid iti daytoy, pinalagipan pay ti HPG iti publiko a no rumwar iti pagtaengan ket masapul nga itugot ti vaccination card tapno makalugan dagitoy iti anyaman a pampubliko a lugan.
