LAOAG CITY – Nagwar dagiti ginagasot nga atap a kalding iti nagduduma a paset ti Big Island, Hawaii idi kalman.
Segun ken ni Bombo International Correspondent Manny Pascua, ti panagwar dagiti ginasgasot nga atap a kalding ket damon na ti agwar sipud napasamak ti panag-alburoto ti Kilauea volcano.
Kuna na a kangrunaan a nakakitaan dagiti atap a kalding ket iti paset ti Kamuela District ken iti gayadan ti Mauna Mountain, ti katayagan a bantay iti depperna a daya a paset ti Hawaii.
Mainaig iti daytoy, ti panaganop ti atap a kalding ket ipalubos ti gobyerno ti Hawaii masurot la ketdi dagiti paglintegan ti panaganop.
Nupay kasta, madandanagan dagiti agtaltalon iti nasao nga Isla gapu iti posible nga iruruwar dagiti alingo gapu ta pagga-ayat da a kanen dagiti mula nga aba, kamutig ken tarong.
Kabayatan na, sabali manen a ginginned ti narikna dagiti residente ti Big Island, idiay Hawaii.
Kuna ni Bombo International Correspondent Manny Pascua, nagpigsa iti magnitude 5.3 ti nasao a gingined.
Kuna na a daytoy ket gapu iti kaudian a panagipuswak na iti asok ken dapo nga immabot iti pito ribo a kadaapan.
Daytuyen ti maikalima a nagsasaruno a panaggingined a nagpigsa iti magnitude 5.
Lineplapan met ti Pacific Tsunami Warning Center ti posible a pannakapasamak ti tsunami.
Maipalagip nga adda da gundaway a makarikna latta ti panagginginned ti Big Island sipud narugian ti papagputok ti Kilauea volcano nasuruken a makabulan ti napalabas.
