LAOAG CITY – Inbatad ni Department of Interior and Local Government (DILG) Secretary Jonvic Remulla a posible a nagbalin a wagas ti oline game a Roblox isu a nagbalin a bayolente wenno na-radicalize ti estudiante a nagpaltog iti Ateneo de Zamboanga Junior High School.
Innayon ni Remulla nga adda pattern kadagiti tignay ti shooter.
Inpetteng ni Remulla a repasuenda dagiti gadget ti ubing tapno maammuanda no nagserbi ni Roblox a catalyst para iti estudiante a nagpaltog iti nasao a pagadalan.
Dua nga estudiante ti natay iti insidente, pakairamanan ti nangpaltog. Maysa pay nga estudyante ti nasugatan ken agpapaimbag pay laeng.
Basar imbestigasion dagiti otoridad, a ti paltog nga inusar ti estudiante ket kukua ti amana.
Agtrabtrabaho ti ama ti estudiante iti Bureau of Customs (BOC) ken naikkaten iti puestona bayat nga agtultuloy ti imbestigasion.
